Во последниве денови, сите се навраќаме на рецептите на нашите баби, бидејќи се практични, а тие со себе носат и доза на носталгија и утеха. Во таа категорија спаѓа и овој едноставен рецепт од рум и портокал што ќе го направите многу брзо.
Сочен е и миризлив, а списокот со состојки е навистина едноставен, затоа веруваме дека ги имате сите состојки што ви се потребни во својот дом.
Состојки:
180 г путер
200 г шеќер
50 мл рум
5 јајца
250 г брашно
80 г пченкарно брашно
1 прашок за пециво
4 лажици сок од портокал
Кора од портокал
Приготвување:
Премачкајте го со путер калапот. На дното ставете хартија за печење. Загрејте ја рерната на 180 степени.
Измешајте го омекнатиот путер со шеќер во воздушеста смеса па додавајте ѝ на смесата едно по едно јајце.
Додадете сок и кора од портокал и рум па уште кратко измешајте.
Просејте го брашното, пченкарното брашно и прашокот за пециво па измешајте ги со дрвена лажица.
Ставете ја смесата во калапот, измазнете ја и печете околу 1 час.
Проверете со чепкалката дали е готов, извадете го и оставете го 15-тина минути да се лади во калапот, а потоа на решетката.
Фото: Pixabey
