За време на овие летни горештини сите имаме една заедничка мисла, како да се разладиме? За среќа, постојат рецепти за спас од летните горештини. Еден од нив е изборот на лесна и освежителна храна што можете да ја консумирате.
За време на високи температури, исклучително е важно правилно да се хидрира телото, а одлични за оваа цел се овошјето и зеленчукот.
Треба да избегнувате тешка, масна и солена храна, но и кофеин. Намирниците што се наоѓаат на врвот од списокот на најдобри намирници за овие горештини, за среќа, се сите оние што созреваат во моментов, такашто нема да имате проблем со набавката. Покрај тоа што ве освежуваат, овие намирници се многу здрави и ќе ви ги обезбедат сите потребни минерали.
Лубеница
Лубеница кралица! Не мора да потенцираме колку ја сакаат и големите и малите. Лубениците се вкусни и здрави. Го чистат организмот, богати се со витамини и вода. Одлични се за имунолошкиот систем и ја подобруваат крвната слика. Можете да ги комбинирате со други овошја (ананас, праска). Покрај освежувањето, овој десерт исто така ќе ве снабди со потребните витамини и минерали.
Домат
Доматот е високо вредна намирница и е незаменлива состојка во летните салати. Одличен е како освежување, како детоксификатор и поради својот нутриционистички состав е состојка во многу јадења. Самата лушпа на доматот е богата со соединение кое делува како природен крем за сончање. А, тоа значи дека ако јадете многу домати, кожата ќе ви остане млада подолго време.
Краставица
Краставицата е една од намирниците што има способност да лади поради големата количина на вода што ја содржи. Одлично е што нејзината калориска вредност е многу мала, па затоа е често на менито на многу готвачи кои подготвуваат супи и салати од неа. Краставицата оди добро со тиквички и модар патлиџан.
Грејпфрут
Иако не го сака секој ова тропско овошје поради неговиот интензивен горчлив вкус, тој е одличен полнач на батерии за нашето тело поради неговата уникатност и горчливо-кисел вкус, односно заради високата содржина на биоактивни супстанции. За да се забрза процесот на ладење на телото, би било добро да консумирате исцеден сок за да помогне во регулирање на потењето, а грејпфрутот е одличен и за намалување на вишокот тежина.
Хељда
Хељдата е сѐ попопуларна храна и кај нас. Не содржи глутен, богата е со диетални влакна, го намалува крвниот притисок и холестеролот, го намалува нивото на шеќер во крвта. Содржи осум есенцијални аминокиселини и богата е со минерали. Затоа е одлична храна за време на горештините бидејќи е лесно сварлив оброк. Лесно се подготвува, вкусна е, хранлива, богата и лесна. Треба да се свари и да се излади. Се служи како замена за ориз или како каша.
Можете да додадете туна, пченка, свежи домати и краставица, зачинете со сок од лимон и малку црн пипер.
Фото: Pixabay
