Кикириките не само што имаат одличен вкус, туку се богати со масти, протеини и други здрави хранливи материи. Тие се добар извор на протеини и имаат голема содржина на есенцијални витамини, минерали и растителни соединенија.
Придобивките од кикириките се различни, затоа дефинитивно треба да се додадат на листата на секојдневната исхрана. Сепак, поради високата содржина на маснотии и калории во кикириките, не треба да се претерува.
Еве за што се добри:
Одлични се за здравјето на срцето
Благодарение на високото ниво на мононезаситени и полинезаситени масти, кикириките можат да го одржат човечкото срце здраво.
Особено, олеинската киселина во кикириките може да го намали лошиот холестерол (ЛДЛ) во крвта и да го зголеми добриот холестерол (ХДЛ). Затоа, кикириките се во можност да спречат мозочен удар и коронарна срцева болест со зголемување на здравите липиди во крвта.
Ја зајакнуваат енергијата
Една од најзабележителните придобивки на кикириките за здравјето на луѓето е подобрувањето на енергијата. Ова е сосема разбирливо, бидејќи кикириките содржат многу витамини и минерали, антиоксиданти и хранливи материи, кои сами по себе се одлични извори на енергија.
Помагаат при слабеење
Кикириките се проучувани во однос на одржување на телесната тежина. Не влијаат на зголемувањето на телесната тежина, туку помагаат во одржување на виталноста и во спречување на дебелината. Секако, ако се консумираат во ограничени количини.
Помагаат во борбата против ракот
Полифенолните антиоксиданти присутни во кикириките се корисни за спречување на рак на желудник, бидејќи помагаат да се намали производството на канцерогени нитрозамини.
Од друга страна, мешунките како кикириките имаат голема содржина на бетаситостерол, кој претставува заштита против рак со природно спречување на раст на туморите. На овој начин, сите оние кои јадат кикирики барем двапати неделно, можат да го намалат ризикот од рак на дебелото црево.
Спречуваат појава на камења во жолчката
Се проценува дека камењата во жолчката погодува помеѓу 10 и 25 проценти од возрасните во светот. Честата потрошувачка на кикирики може значително да го намали ризикот од жолчни камења. Според студиите, само 30 грама кикирики на ден можат да помогнат да се намали ризикот од овој феномен до 25 проценти.
Ја подобруваат меморијата
Кикириките честопати се нарекуваат „храна за мозокот“ бидејќи содржат витамин Б3 кој е одличен за функцијата на мозокот, како и за подобрување на меморијата. Содржи флавоноид наречен ресвератрол, кој може да го подобри протокот на крв во мозокот за околу 30 проценти.
Се борат против депресија
Серотонинот е хемикалија која е важна за мозокот и помага во регулирање на расположението. Несоодветната секреција на оваа хемикалија резултира во депресија. За среќа, аминокиселината триптофан во кикириките може да помогне во ослободување на серотонин, па кикириките се способни да ја победат депресијата.
Ја поддржуваат бременоста и го штитат фетусот
Кикириките се сметаат за добар извор на фолна киселина, што е важно за жените за време на бременоста. Според истражувањето, жените кои консумираат 400 грама од оваа киселина пред и во раните фази на бременоста, имале многу помал ризик бебето да има одредени невролошки проблеми.
Консумирањето кикирики за време на бременоста исто така го намалува ризикот од појава на некои вообичаени алергиски заболувања кај децата.
Спречуваат Алцхајмерова болест
Многу студии покажале дека консумирањето храна богата со ниацин, како што се кикириките, може да го намали ризикот од развој на Алцхајмерова болест за околу 70 проценти. Само четвртина чаша од овој плод претставува четвртина од дневниот внес на ниацин.
Овозможуваат сјајна и затегната кожа
Состојките во кикириките го одржуваат сјајот на кожата. Покрај тоа, диеталните влакна во нив му помагаат на телото да се ослободи од вишокот токсини, што ја прави кожата беспрекорно мека и сјајна. Од друга страна, кикириките со содржината на магнезиум можат да ги смират нервите, крвните садови и мускулите за да го забрзаат протокот на крв во кожата.
Спречуваат опаѓање на косата
Меѓу придобивките за убавината што ги имаат кикириките е и спречување на опаѓањето на косата. Благодарение на витаминот Ц, кој е корисен за зголемување на производството на колаген, кикириките можат да спречат опаѓање на косата. Исто така, ларганинот од кикириките е состојка што се користи во многу третмани за третман на ќелавост, додека омега 3 масните киселини можат да ги зајакнат фоликулите на косата и целокупниот раст на косата.
Спречуваат брчки и стареење
Предвремените знаци на стареење, како што се промена на бојата, брчките и намалена еластичност на кожата, се едни од најголемите козметички проблеми. За среќа, кикириките имаат значителна количина на витамин Ц, неопходен за производство на колаген. Во суштина, колагенот е важен за да ги одржува тетивите, ‘рскавицата и кожата здрава. Така, консумирањето кикирики ја подобрува цврстината на кожата, како и нејзината еластичност и свежина.
Фото: Pixabay
