Состојки:
200 г интегрално брашно
200 г ситни овесни снегулки
120 г путер на собна температура
1 јајце
1 лажиче прашок за пециво
1 ванилин шеќер
2-3 лажици мед, по ваш вкус
50 г рендано црно чоколадо (ние ставивме од тоа со чили пиперче што на кексите им даде поспецифичен слатко-луткаст вкус)
1 рака сечкани ореви, бадеми, лешници или друго јаткасто овошје
Приготвување:
Изматете ги јајцето, медот и омекнатиот путер.
Во друг сад измешајте ги сувите состојки, додадете го ренданото чоколадо (ако остане некое малку порупно парче, не е проблем, ќе се стопи во печењето), а потоа соединете ги со смесата од влажни состојки.
Смесата ќе биде густа, но внимавајте да е добро измешана за да се распоредат добро состојките.
Обликувајте топчиња од смесата кои потоа малку ќе ги сплескате со рака и наредете ги врз хартија за печење.
Печете ги во загреана рерна на 180 степени 10-15 минути, во зависност од големината на колачите.
Кога ќе ги извадите од рерната ќе биде меки, но кога ќе се оладат ќе станат поцврсти и крцкави.
Доволно е за појадок да земете едно-две со кафе или чај.
Така барем обично се вели, ама единствената причина поради која ние се сопревме на толку, е тоа што од оваа доза излегоа само 14 колачиња.
