Ако сте го гледале минатогодишното големо британско бејкинг шоу, можеби се сеќавате на калеидоскопската разнобојна торта која судијата Пол Холивуд ја претстави како „еден од најтешките дизајни за торта“ и голем предизвик за натпреварувачите во ова шоу.
„Кек лапис“ на малезиски јазик (национален јазик на Малезија и Индонезија), во буквален превод значи „торта со слоеви“. Саравак пак, е држава лоцирана на северозападниот брег на Борнео.
Иако торта на слоеви може да звучи прилично стандардно, со оглед на тоа што слоевите се вообичаена карактеристика во десертите, Кек лапис Саравак го поставува на едно сосема друго ниво. Исечете парче и ќе најдете калеидоскоп на разнобојни слоеви, прецизно распоредени во различни геометриски обрасци. Да се направи тоа е долг, исцрпувачки процес кој ги става на тест дури и најзрелите пекари на Саравак.
Кек лапис Саравак е релативно нов десерт. Потекнува од 1970-тите и 1980-тите години, кога бетаијците од Индонезија ги запознаа Саравакијците со Кек лапис Бетави, локална верзија на колачите што ги уживале холандските колонисти. Вклучува зачини како што се цимет, кардамон, каранфилче и ѕвездест анасон во меко тесто од путер, брашно и јајца, кои пекарите ги прават во повеќе кафеави и беж слоеви.
Како и да е, верзијата на Кек лапис Саравак е многу пообоена и покомплицирана, со тоа што нејзините внатрешни слоеви се живописни со бои за храна и природни екстракти. Пекарите во Саравак, исто така, додале свои верзии на тортата, што резултирало со варијанти како kek lapis Cadbury и kek lapis Oreo. Правењето на овие колачи бара жива фантазија, скоро математички ум за детали, а можеби и најважно од сè, стабилна рака.
Изработката на една торта може да трае некаде од четири до осум часа, во зависност од сложеноста на дизајнот. Тоа е процес што може да тргне наопаку во кој било момент: Пекарите прво мора да ги готват колачите во длабоки тави, внимателно додавајќи ленти со разнобојно тесто на 10 минути помеѓу секој слој.
Но, правењето на тортата е само половина од битката. Кек лапис Саравак е уникатен затоа што пекарите мора внимателно да ги исечат оладените колачи и да ги залепат со помош на џем или кондензирано млеко. Крајниот резултат е сложена, живописна шема што се појавува кога тортата ќе се исече.
Еве предизвик и за нашите најдобри готвачи!
Текстот и фотографијата се од ТУКА.
