Кога бев помлада не ни сонував дека ќе се радувам на бамји.
Првите плодови на бамјите се појавуваат на крајот на јуни и се присутни до доцна есен. А јас летово некако слабо ги гледав по пазарите или пак доцна одев, којзнае. Како и да е, не им се наситив па можеби затоа и толку се израдував кога го видов купчето бамји што го продаваше една симпатична бабичка.
Бидејќи секоја година се уште учам по нешто ново, а минатата година научив и дека не е се во големината, кога ги здогледав малечките бамјички на бабичката, не ги одминав со презирна гримаса, застанав и си ги купив. Како што велат експертите, кога купувате бамји, обрнете внимание на тоа да не бидат подолги од 3 цм. Имено, колку се пократки, толку се подобри.
А бамјите се навистина чудесни. Освен што без нив не признавам турлитава, а син ми како помал ги сакаше малку испржени на путер, тие ѝ даваат побогат вкус на секоја манџа. И не само тоа, туку се и многу здрави.
На пример, корисна е за дијабетичарите затоа што го нормализира и балансира шеќерот во крвта, но исто така го намалува и холестеролот, ја ублажува и елиминира опстипацијата, не дозволува пад на имунитетот, а исто така, помага и за проблеми со астмата.
Бамјата не само што може да се смета корисна за елиминација на штетните материи од цревата, таа е и важен фактор кога станува збор за заштита од малигни заболувања. Бидејќи ги отстранува слободните радикали од системот за варење, таа во значителна мерка го намалува ризикот од рак на дебелото црево. Оние кои веќе заболеле, задолжително треба да си подготвуваат јадења од бамја затоа што ќе ја спречат натамошната мутација на малигните клетки.
Ова растение е богато со витамин Ц, витамин К и фолна киселина, а содржи и голема количина на влакна, кои се битни за добра дигестија, стабилизација на шеќерот во крвта и контрола на апсорпција на шеќерот во организмот.
Во својот состав содржи повеќе витамини и минерали, особено витамини од групата Б, а пред сѐ витамин Б6. Затоа е добра и за безбедна и здрава бременост. Имено, витаминот Б е одговорен за производство на нови клетки, што спречува вродени дефекти кај бебиња и им помага да растат и да се развијат. Го подобрува здравјето на бубрезите. Се смета дека со редовно консумирање на бамја се намалува ризикот од болести на бубрезите, особено оние предизвикани од дијабетес. Го подобрува здравјето на дебелото црево и е полна со диетални влакна. Витаминот А придонесува за здравјето на слузокожата на дигестивниот тракт, што му овозможува нормално функционирање.
Содржи и витамин Ц, кој помага со респираторни заболувања како што е астмата. Витаминот Ц влијае на здравјето и на младешкиот изглед на кожата, го забрзува растот и регенерацијата на ткивото па ако си направите маска за лице од бамја, лицето ќе ви омекне, а резултатите ќе бидат видливи веднаш. Клинички е докажано дека бамјата содржи mioxinol, природна алтернатива за ботокс, но за разлика од ботоксот кој се вбризгува со инјекција, активните супстанци на бамјата немаат несакани ефекти. Во себе има одредени состојки кои предизвикуваат мазност и затегнатост на кожата. Таа во себе има природен ботокс кој ги намалува мускулните контракции, ги релаксира, исто така ги неутрализира ефектите на штетните радикали и спречува стареење на кожата.
Бамјата е преполна и со антиоксиданти и благодарение на овие материи, како прилог во оброкот, може да ја намали апсорпцијата на шеќерите во крвта и е добра за одржување на нормално ниво на гликоза во крвта.
Благодарение на огромното ниво на пектини, бамјата помага во намалување на холестеролот во крвта.
Ако ги прашате постарите лица, неретко ќе слушнете од нив дека бамјите се традиционален лек за потенција, а се покажала и одлична за лекување на полови болести по природен пат. Истовремено е и одлична помош за обилно менструално крварење.
Нејзината особина да го подобрува протокот на крвта придонесува за подобро функционирање на мозокот.
Фото. Pixabey
