Без моркови манџа не бидува, а уште помалку супа, а во последно време тие се се почеста состојка и во десертите. Особено популарни се мафините со моркови, кои во овој рецепт се збогатени и со вкусен крем од рикота или урда, путер, шеќер во прав и екстракт од ванила.
Состојки:
175 г кафеав шеќер
100 г интегрално брашно
100 г бело брашно
1 лажичка сода бикарбона
По вкус, цимет, ѓумбир во прав, мелено каранфилче, рендано морско оревче
рендана кора од 1 портокал
2 јајца
150 мл маслиново, кокосово, стопен путер или обично масло
200 г рендани моркови
За кремот:
100 г путер, омекнат на собна температура
300 г рикота или несолена урда
100 г шеќер во прав
1 лажичка екстракт од ванила
Приготвување:
Во еден сад измешајте ги шеќерот, брашното, сода бикарбона, зачините и кората од портокал. Изматете ги јајцата и маслото заедно, а потоа додадете ги во сувите состојки. На крајот додадете ги и ренданите моркови.
Ставете ја смесата во калапи хартиени чашки за мафини или директно, во калапот за мафини кој треба да се подмачка со масло или со путер.
Печете ги 20-25 минути на 180 степени.
Изматете го путерот и сирењето или урдата за кремот па додадете ги шеќерот во прав и ванилата и повторно изматете.
Ставете од кремот врз мафините и украсете ги со сечкани оревчиња.
Фото: Pexels
