Сирови палео бомбици
Состојки:
100 г урми
100 г бадеми
2 лажички масло од кокос
2 лажички мешавина од чиа семе, лен и сусам
прстофат сол
1/2 лажичка цимет
Кокосово брашно
1 лажичка какао
ванила
Приготвување:
Смелете ги бадемите и семките од тиква ги за да добијат брашнеста текстура. Ставете ги во блендер заедно со урмите и мешајте додека не се соединат состојките. Поделете ја смесата на два дела. Во едниот дел додадете малку трошки од кокос и цимет, а во другиот какао и ванила. Со влажни раце формирајте бомбици и извалкајте ги во кокос или во какао или во ленено семе или семе од сусам.
Бомбици од манго и кокос
Состојки:
100 г суво манго
100 г кокосово брашно + 3 лажици за валкање
100 г излупени бадеми
75 г суво грозје
50 г сува брусница
1 лажица кокосово масло
Приготвување:
Ставете го мангото во вода и почекајте пет минути да омекне. Направете го истото со сувото грозје и брусница. Мангото, кокосот и бадемите ставете ги во блендер, а потоа мешајте ги во кратки интервали. Додадете ги суво грозје и брусницата и лажица масло од кокос. Промешајте неколку минути додека смесата не се соедини и оставете ја смесата 30 минути, па дури потоа обликувајте ги бомбиците и извалкајте ги во кокос. Да се чува на ладно место.
Бомбици со ф’стаци
Состојки:
140 г несолени ф’стаци
65 г кокос
3 лажици какао во прав
1 лажица екстра девствено кокосово масло
15 исчистени и натопени свежи урми
сечкани ф’стаци за валкање
Приготвување:
Измелете ги ф’стаците и измешајте ги со кокосот смелен до брашнеста структура. Потоа додајте ги останатите состојки и измешајте додека не се добие убава кремава смеса. Смесата ставете ја во замрзнувач на кратко, а потоа обликувајте бомбици и извалкајте ги во сечканите ф’стаци.
Енергетски бомбици
Состојки:
125 г ореви
50 гр овесни снегулки
260 г урми
2 лажици рогач во прав
Прстофат сол
Кокос и чиа семе
Приготвување:
Добро измелете ги оревите, овесните снегулки, урмите и прстофат сол, додека не се формира компактна смеса. Ако е зрнесто, додадете лажица кокосово масло или повеќе урми и измешајте повторно додека не се формира компактна смеса. Формирајте бомбици со рацете. Извалкајте ги во кокос, рогаш во прав и чиа семе.
Фото: Pixabey
