Според ајурведата (систем на традиционална медицина која се практикува како форма на алтернативна медицина), секој човек е создаден од пет основни елементи кои се наоѓаат во универзумот. Тие се: земја, вода, оган, воздух и етер.
Овие елементи се комбинираат во човековото тело за да формираат три животни сили или енергии, наречени доши. Дошите го контролираат функционирањето на телото. Трите доши се: вата доша, пита доша и кафа доша.
Секој човек наследува уникатна комбинација од трите доши, но, една од нив вообичаено доминира во однос на другите. Токму според типот на доша, е креирана и ајурведската исхрана во текот на есента, конкретно, во текот на ноември.
Поради остриот пад на температурите, ноември е погоден за есенска исхрана, период од годината кога апетитот за здрави масти е најголем. На есен, луѓето од Вата и Пита можат да уживаат во потешка исхрана богата со масти. Додека трае ноември, веројатно ќе посакате маснотии во исхраната како путер, ги, маслиново масло и ореви. Добредојдени се и органска пченица и млечни производи. Ноември е време да си дозволите меки сирења како фета, козјо сирење, јогурт и зачинето млеко. Тешката и топла храна му помага на телото да остане здраво за време на студот.
Кафа типовите треба да ја надминат нивната потреба за градење заштитни слоеви од маснотии, бидејќи ќе создадат услови за густа слуз до почетокот на декември. Правилото за Кафа дошата е умереност. Тие можат да уживаат во потешка храна, но треба да внимаваат на големината на порциите. Нив им се потребни горчливи и лути зачини за да одржат енергичен проток на крв и да го подигнат расположението какошто деновите се пократки. Ако создадете сувост, студеност и дехидрираност на есен, телото ќе компензира со желба за слатки, наместо здрави масти. Желбата за шеќер е крик на телото за тешка, мрсна храна што ќе го нахрани и изолира телото од студ. За жал, желбата за шеќер е начин за прекумерна компензација. Премногу рафиниран шеќер може да предизвика воспаление на дигестивниот тракт и зголемување на телесната тежина. Наместо тоа, кога ќе почувствувате студ, изберете храна што е природно богата со масти и лесни, сложени јаглехидрати. Една од најдобрите масти за да го нахраните телото во есен е ги. Иако тој е направен од путер, нема лактоза. Дури и оние кои се нетолерантни на лактоза, можат да користат ги и да имаат корист од ова богато масло. Користете го како главно масло за јадење, намачкајте го на тост, додадете лажичка во овесната каша и во супите. Можете едноставно и само да изедете една лажица ги! Кокосовото масло и путерот од кокос се корисни за одржување на редовно празнење на дебелото црево, зглобови без болка и негувана кожа. Додадете една кафена лажичка кокосово масло дневно во вашата исхрана. На пример, измешајте путер од кокос со мед за да го искусите највкусниот десерт што некогаш сте го имале!
Домашните пити се одличен начин да уживате во слатката, мрсна храна богата со растителни влакна што е поддршка во ноември. Пити со зеленчук, како што е пита од тиква, се подобра комбинација на храна од овошните пити, а исто така често се и повкусни. Питите се целосен оброк, особено ако изберете интегрално брашно. Направете ги овие пити со жито и преполовете ја количината на шеќери што се користат во традиционалните рецепти. Украсете со многу ореви или искористете ги како состојки во питата за добро избалансирана и нутритивна ноемвриска опција која вклучува протеини. На овие богати задоволства задолжително додадете зачини за затоплување како: цимет, морско оревче, кардамом и каранфилче. Топлите зачини можат да ви помогнат во варењето на тешката храна.
Есенската храна како: варен кромид, лук, мисирка, афион, морско оревче и тиква ви помага да му олесните на вашето тело многу подлабоко во зимската хибернација и може да помогне да се смири хаотичниот ум – особено за типовите вата.
Фото: Unsplash
