Состојки:
900 г брашно
2 јајца
200 мл пиво
150 мл јогурт
млака вода по потреба
5 лажици ладно цедено масло од сончоглед
1 лажичка шеќер
1 лажичка сол
1 сув квасец
жолчка, 1 лажица млеко и 1 лажица масло – за премачкување
семки по желба
За филот:
100 г сланина
100 г кашкавал
1 кисела краставичка
10 маслинки
шарена сол и копар
Приготвување:
Загрејте го пивото и додадете му го квасецот, шеќерот и лажица брашно. Ставете го сето ова во подлабок сад и почекајте да се активира.
Во една тепсија замесете средно тврдо тесто од состојките и оставете го да стаса (најмалку половина час).
Во меѓувреме, исечкајте ги состојките за филот.
Тестото поделете го на 2 дела и расукајте кори.
Ставете ја едната кора во подмачкана и набрашнета тепсија, распоредете го филот, поросете со сол и со копар и покријте со другата кора. Завитакајте ги краевите за да не истече филот.
Оставете ја да стасува уште 20 минути, а потоа премачкајте ја, поросете со семки и печете ја на 170 степени околу половна час додека не добие златеста боја.
Покријте ја со крпа и почекајте барем половина час пред да ја исечете.
