Овие погачици се спас во последен момент. Брзо се прават, не се месат и се многу многу вкусни.
Состојки:
1 шолја кисело млеко
1 прашок за пециво
2 јаја
1/2 шолја зејтин
130 г сирење
1 ипол шолја брашно
Приготвување:
Се меша киселото млеко, па се додава прашокот за пециво, потоа двете јајца па постепено се додава зејтинот и на крајот, на двапати, и брашното. Се вмешува и сирењето и потоа, со лажица се вади од смесата и се реди врз хартија за печење. Се пече во загреана рерна 15 минути. Може да се случи да ви пораснат и да се спојат една со друга, ама не се ништо помалку вкусни.
