Овој сладолед ќе го обожавате не само поради неговиот вкус, туку и затоа што е можеби наједноставниот сладолед за подготовка. И тоа е суштински адут во жешките летни денови.
Состојки:
250 мл слатка павлака
200 мл млеко
120 мл сок од лимон
1 непрскан лимон
150 г шеќер
Приготвување:
Ова е можеби наједноставниот сладолед за подготовка: во блендер измешајте кора од непрскан лимон со шеќерот, потоа додадете сок од лимон, млеко и слатка павлака и продолжете да мешате некое време додека не добиете компактна смеса.
Кога смесата добро ќе се излади, ставете ја во широк и низок сад, а потоа во замрзнувач три до четири часа, но промешувајте ја на секои 30 минути.
По четири часа извадете го кремавиот и освежителен сладолед и послужете.
Фото: Freepik
