Колачите како овој се прават кога под итно ви се јаде нешто благо. Сите состојки се мешаат во еден сад, се истураат во друг за печење, се печат и се сервираат, а се прават со тоа што ви се наоѓа дома, по ваш избор.
Ова е нашиот избор:
Состојки:
1 шолја бело брашно
1 шолја брашно од овесни снегулки
1 прашок за пециво
3 лажици какао
2 лажици рогач
70 г грубо истолчени ореви
2 лажици мед
100 г шеќер
1 ванилин шеќер
4 јајца
200 мл јогурт
100 г стопен путер
100 мл маслиново масло
За прелив:
100 г црно чоколадо
малку путер и малку млеко
Понатаму знаете, јајцата се матат со шеќерот, се додаваат течните состојки, а потоа и сувите, се меша, се истура во подмачкана и набрашнета тепсија и се пече половина час на 200 степени.
Кога ќе се излади се сече на парчиња, а потоа се прелива.
