Потполно незаслужено запоставени, овие моќни зрнца најчесто се користат за декорација на кифли, колачи, леб. Всушност, токму сусамот поросен врз белото пециво е единствената добра работа кај тоа пециво.
Велат дека сусамот е зачин за сите возрасти. Неговата татковина е Азија. Долго време се сметал за лековита храна и храна што го забавува стареењето. Таа е една од најстарите и најздрави култивирани растенија.
Маслото од сусам се користи 5000 години
Антиоксидантното дејство на маслото од сусам може слободно да се спореди со маслиновото масло. Со додавање на масло од сусам во секојдневната употреба, ги спречуваме последиците од автоинтоксикација (труење на организмот со сопствените отрови), ги уништуваме слободните радикали (кои денес претставуваат најголема опасност за нашето тело), а воедно е и антиоксиданс на масни киселини. Спречува тврда столица, бактерии и габи во телото и кожата, разни проблеми со кожата (изгореници, псоријаза, егзема, чиреви, акни); ја стимулира работата на хормоните на кожата и ја штити кожата од сончевите зраци, третира сува и заштитува чувствителна кожа, особено кај пушачи, ја зајакнува циркулацијата на крвта, ги намалува лузните.
Семето од сусам може да биде бело, црно и кафеаво, со некои разлики во составот. Иако се мали, тие имаат голема хранлива вредност. По состав, повеќе од половина се масти. Тие се многу малку заситени, додека преовладуваат незаситените масни киселини, олеинска и линолеинска. Една петтина се протеини со висока биолошка вредност.
Од витамини содржи: А, Б1, Б6, Е (заслужен за спречување на предвремени брчки и стареење на кожата). Од минерали има бакар (го олеснува воспалението кај ревматоиден артритис), манган, магнезиум (го намалува крвниот притисок и спречува напади на мигрена), цинк (важен за одржување на плодноста кај мажите; поттикнува зараснување на рани и ги лекува несовршеностите на кожата). Калциумот и железото нашиот организам може многу фино да ги „извлече“ од семето од сусам. Го намалува лошиот холестерол и е добар за дијабетичарите. Сусамот ја подобрува ефикасноста на глибенкламид, лек што се користи за лекување на дијабетес. Сусамот содржи седум пати повеќе калциум од млекото. Како таков, тој е исклучително добар во борбата против остеопорозата – болест на коските.
Сусам и рак
Тука ги потенцираме диеталните влакна и фитостеролите, растителни состојки кои се хемиски слични на холестеролот. Тие се мешаат во апсорпцијата на холестеролот и со тоа помагаат да се намали. Тоа се лигнините – сезамин и сесамолин. Тие исто така имаат ефект врз намалување на високиот крвен притисок.
Се намалува и липидната пероксидација, чија една од најтешките последици е формирање на клетки на рак. Бидејќи фитоестрогените обезбедуваат заштита од тумори чувствителни на хормони, како што се тумори на дојка, научниците тврдат дека спречуваат ширење на разни клетки на рак, вклучително и разни видови на рак како што се:
леукемија
повеќекраен миелом
рак на дебелото црево
рак на простата
рак на дојка
рак на белите дробови
рак на панкреасот
рак на белите дробови
и исто така ги ублажува тегобите предизвикани од менопаузата.
Лажичка семе од сусам може да се попрска врз салати, зеленчук, да се додаде во житарките и тестенините.
Во секој случај ќе го оплеменат јадењето. Сите корисни состојки подобро ќе се искористат ако семето е згмечено или смелено. Меленото семе измешани со масло од сусам даваат таан, паста со фантастичен потенцијал.
Сусамот заедно со ленот е едно од најчестите и најпопуларните семиња во веганската исхрана, па нема причина сусамот да не стане дел и од вашето мени.
Фото: Pexels
