Печените тиквички се совршен избор за брз и лесен пролетен ручек, без оглед дали ги јадете како главно јадење или како прилог.
На барање на нашата читателка ви го претставуваме најдобриот и највкусниот, а истовремено и најлесниот и најбрзиот начин за подготовка на печени тиквички. Во комбинација со сирење и избрани зачини, овие тиквички ќе ве потсетат на вкусот на италијанската кујна.
Ако сакате крцкави печени тиквички, исечете ги на потенки тркалца, а ако сакате да ја задржите сочноста на младите пролетни тиквички, исечете ги на подебели тркалца.
Состојки:
2 тиквички со средна големина
1 лажица маслиново масло
1/2 лажиче сол
1/2 лажичка црн пипер
200 г пармезан
Приготвување:
Вклучете ја рерната да се загрева до 200 Целзиусови степени. Исечете ги тиквичките на тркалца и ставете ги во поголем сад. Во тиквичките додадете сол, црн пипер, маслиново масло и 100 гр пармезан, и добро измешајте со рака.
Распоредете ги врз хартија за печење, ставете ги во загреана рерна да се печат 5 минути, потоа извадете ги од рерната и поросете ги со остатокот од пармезанот, па вратете ги во рерна уште 3 до 5 минути да се допечат.
Фото: Unsplash
