Овој рецепт ни го испрати нашата читателка Ана Радованац.
Состојки:
300 г мелени посни кекси
150 г мелени ореви плус сечкани за поросување
сок од 1 портокал
неколку лажици растопено кокосово масло
2 пудинга од чоколадо направени со 1/2 л вода (може да се направи и со млеко од ориз)
2 пудинга од ванила направени со 1/2 л вода (може да се направи и со млеко од ориз)
Калинка за украсување
Приготвување:
Од кексите, оревите, сокот од портокал и кокосовото масло направете ја подлогата за тортата.
Втиснете ја во тепсија или во калап за торта.
Сварете ги посебно пудинзите, според рецептот, но наместо со млеко, со по 1/2 литар вода.
Ставете го едниот пудинг, а кога малку ќе се здрви, ставете го врз него и другиот. Украсете со сечкани оревчиња и зрна од калинка.
