Ако има нешто повкусно, побрзо и поедноставно за правење, кажете.
Нам за оваа вкусна турлитава која не се прави во рерна, туку во вок тава, ни беа потребни 15 минути.
Состојки:
1 поголем модар патлиџан
1 поголема тиквица
1 морков
1 зелена пиперка
1 црвена пиперка
100 г бамји
една рака шери домати
сол, црн пипер, свеж босилек, лук во прав, чили по желба
маслиново масло
Приготвување:
Миете, лупите, сечете и ставате во тавата во која се става многу малку масло. Почнете со морковите и пиперките, а потоа додавајте ги модрите домати, тиквичките и на бамјите. Пред крајот се додаваат доматчињата и зачините.
Се обработува многу кратко за да се задржат боите, вкусовите и здравствените придобивки на зеленчуците.
На крајот можете да ја прелеете турлитавата со маслиново масло.
Ако имате дома тинејџери и млади, веројатно ќе се одлучат на оваа варијанта – помешано со нудли.
Ние повозрасните ја јадевме без нудли – сепак, станува збор за турлитава.
