За да изрти лукот, мора да набавите главица што не била замрзната. Излупете го надворешниот слој на лушпата, но не ги чистете чешнињата до крај. Следниот чекор е да го исечете горниот дел од чешнињата со остар нож.
Извадете ја етикетата од пластично шише, пресечете го делот околу вратот со нож, а потоа исечете го шишето на половина. Вметнете еден дел во другиот, за да го зајакнете. Наполнете го шишето со вода. Потоа ставете ја главата на лукот во шишето, такашто долниот дел да ја допира водата.
Многу брзо, по само два или три дена, чешнињата ќе пуштат млади никулци во средината. По неколку дена, ќе се формираат убави коренчиња, а стебленцата ќе достигнат неколку сантиметри во висина.
За седум дена, лукот ќе достигне доволна големина за да се собере и да се користи за салата. Затоа, не е лошо да го повторите процесот на „садење“ лук неколку пати во рок од неколку дена, така што секогаш да имате свеж лук. Значи, ставете ја првата главица во вода во понеделник, втората во среда и така натаму.
Кога лукот ќе порасне, тоа е моментот кога треба да се пресади во земја ако имате градина или во саксија на балконот.
Користете свежа почва измешана со хумус, иситнете ја добро и користете плиток сад, бидејќи немаат длабок корен. Внимателно поделете го лукот и засадете ги на растојание од пет сантиметри. Наводнете го лукот и уживајте во неговиот раст.
Фото: Pixabay
