Како да ги искористите деловите од зеленчукот што инаку би завршиле во ѓубре?

Лисјата од карфиол и келераба може да се обарат и да се користат за виткање сармички. Лисјата од цвекло се добра алтернатива на блитвата, а младите лисја од цвекло може да се користат за подготовка на салати

0
189

Кај зеленчукот, скоро сите делови можат да се користат во различни рецепти. Потребно е само малку промена на навиките и малку инспирација за да се намали отпадот од храна. Најчестиот отпад во зеленчукот се – коренот, стеблото и кората.

Иако се препорачува да се јаде голема количина свеж зеленчук, кој е богат со минерали и витамини, одредени делови за јадење постојано завршуваат во кантите за ѓубре.

Често запоставени, но особено хранливи делови од зеленчукот, како што се корените, стеблата и кората нудат многу витамини и минерали и заради тоа не треба да се фрлаат.

Лисјата од келераба содржат двојно повеќе витамин Ц од коренот и десет пати повеќе железо и калциум!

Дршката од брокула има повеќе витамини од цветовите. Вкусот на дршката на брокула и карфиол е интензивен, и затоа се препорачува да ги користите во салати и кремасти чорби. А може да се користат и при подготовка на пире од компири или полнења за тестенини.

Додека цветовите на брокулата по вкус се слични на карфиолот, стебленцата имаат вкус на зелени шпаргли. Тоа овозможува да се приготвуваат на ист начин.

Лисјата од карфиол и келераба може да се обарат и да се користат за виткање сармички.

Лисјата од цвекло се добра алтернатива на блитвата.

Младите лисја од цвекло може да се користат за подготовка на салати

Зелените лисја од ротквичка, морков, копар, целер може да се користат во различни рецепти. Тие се додаваат во супи, сосови, салати, пире, палента, преливи за салата или се користат за подготовка на песто сос.

Зелените лисја може да се исечкаат како магдоносот и да се користат за додавање на вкус.

Листовите од целер даваат малку јаткаст вкус, додека попикантните зелени лисја од ротквичка личат на рукола.

Ако си поставиме цел да користиме што повеќе од овие намирници, можеме да ги смениме навиките што се производ на традиционалното готвење.

Треба да го користиме целиот праз, бидејќи зелените делови содржат 300 пати повеќе хранлив бета-каротен од белиот.

Зеленчук чии корени имаат мали ситни влакна, може да се користи во супи и чорби.

Кај шпарглите можат да се користат и кората и краевите на стебленцата за подготовка на супа, рижото и мешавини од зеленчук.

Декоративните цвеќиња од тиквичките се особено интересни, тие можат да бидат полнети и да се похуваат.

Семето од тиква и диња може да се пече во рерна со додавање сол и зачини

Семето е интересен додаток на разни зготвени јадења

Лушпите и кожата од овошките може да се пржат како чипс. Ставете ја претходно измиената кора од компир, јаболко или круша во рерна или тенки исечени парченца овошје и зеленчук заедно со кората

Чипс од зеленчук може да се направи од компири, моркови, келераба или тиквички. Исечете го зеленчукот на тенки парчиња и маринирајте го со малку маслиново масло. Наредете ги парчињата едно до друго и печете – времето за печење зависи од содржината на вода и дебелината на парчињата. Зачинете го печениот зеленчук со сол и зачини по вкус.

Фото: Pexels