Како да ги изберете најдобрите домати?

Доматите се одличен природен извор на витамин Ц, а содржат и значителни количини на елементи од комплексот Б. Редовната консумација на домати ќе ве снабди со калиум, натриум, магнезиум и железо. Прашањето што се поставува е дали знаете како да препознаете свежи и домашно одгледани плодови?

0
231

Повеќето масовно произведени плодови се собираат незрели за да можат да го издржат транспортот и дистрибуцијата до оддалечените локации, а потоа се третираат хемиски за да се забрзаат овие природни процеси по пристигнувањето во продавницата. Вклучете ги сите сетила и научете да препознавате квалитетни плодови.

1. Неоштетена црвена кожа на плодот

Ако доматот има длабоко црвена боја на кожата без видливи гребнатини и пукнатини, тој е веројатно свеж. Светлата боја на кожата упатува на несозреан плод, кој има премногу тврда структура и недефиниран вкус. Пазете се и од домати со потемни делови, бидејќи е тоа знак дека почнале да скапуваат.

2. Мириснете ги

Уште подобар показател за изгледот на доматот е неговиот мирис. Длабоко вдишете и помириснете го. Ако ја почувствувате силната арома на домати, земја и градина, го погодивте џекпотот. Недостатокот на арома, од друга страна, укажува на недостаток на вкус.

3. Стиснете ги

Зрелиот и квалитетен домат најдобро се препознава со допир: тој е доволно цврст за да можете да го стиснете без да го уништите плодот, но сепак не е премногу тврд за да се исече и да јаде. Пазете се од меки плодови, бидејќи тоа се домати кој многу брзо ќе се расипат.

4. Купете го само она што можете да го допрете

Избегнувајте купување домати во пластични кутии, бидејќи таков производ не можете да го погледнете, да го мириснете и да го стиснете. Исто така, не се препорачува да купувате на тезги каде што не е дозволено да го проверувате квалитетот на плодовите со своите сетила.

5. Чувајте ги правилно

Ако сакате вкусни плодови, купете ги од сигурни домашни производители. Доматите ќе имаат подобар вкус ако ги чувате на собна температура, а во фрижидер ставете ги само доколку планирате термички да ги обработите.

Фото: Pexels