Освен здрава доза на витамини А и Ц и растителни влакна, морковот содржи антиоксиданти кои можат да помогнат да се намали ризикот од рак, а исто така и да се подобри вашиот имунолошки систем. Плус, нивната природна сладост во комбинација со солта со која ќе ги попрскате создава одличен солено-сладок вкус на кој нема да можете да му одолеете.
Целата порција содржи само 79 калории и нуди 4,1 грама влакна – чипсот од компир има 160 калории и само еден грам влакна.
Овој чипс е зачинет само со морска сол, но слободно бидете креативни и додадете цимет за посладок вкус или црн пипер, ким или црвен пипер за малку поинтензивен вкус.
Состојки:
2 големи моркови (или 3 средни)
1/2 лажичка маслиново масло
1/8 лажичка морска сол
Приготвување:
Загрејте ја рерната на 150 степени
Измијте ги и излупете ги морковите. Исечете ги тенко на тркалца или по должина, со помош на лупач. Ставете ги парчињата морков во сад и прелијте ги со маслиново масло и сол.
Поставете ги морковите во еден слој врз хартија за печење.
Печете 15 до 20 минути, или додека морковите не се исушат и не станат крцкави. Гледајте ги внимателно до крајот, бидејќи можат брзо да изгорат.
Фотографијата и рецептот се од ТУКА.
