Според ајурведата, кога температурите се спуштаат кон крајот на есента и почнуваат да растат кон крајот на јануари, нашето тело ја менува својата стратегија – од градење изолациски масти до ослободување на истите. Крајот на зимата и раната пролет се идеални сезони за започнување на нова диета и слабеење.
Бидејќи вашето тело почнува да го намалува зимскиот слој на маснотии, може да забележите намалување или губење на апетит за една недела или две. Ова е знак дека вашето тело природно го прочистува црниот дроб за да започне процес на слабеење. Според ајурведата, ако Кафа дошата е влошена, може да почувствувате симптоми слични на грип и замор (не се вадете веднаш од памет, не мора да е корона). Вашето тело започнува свој циклус на чистење за да ве подготви за потоплиот период кој доаѓа со пролетта. Еве неколку совети за пролетно чистење со кои ќе му помогнете на вашето тело, а токму февруари е вистинска пресвртница за вашата исхрана и потребна ви е храна што ги балансира и двете сезони.
Иако исхраната станува полесна, а со тоа започнува и сезоната на чистење, на некои луѓе (според ајурведата, тоа се лицата со Вата) сè уште ќе им требаат затоплувачки состојки во студените денови – затоа сè уште не заклучувајте го подрумот. Компири, репа, цвекло и моркови сè уште треба да има на менито. На овие состојки, додадете им кисели вкусови и горчлива храна за нежно чистење на црниот дроб.
Во однос на зрната, идеални се леќата и ‘ржта. Тие ја обезбедуваат топлината и ситоста потребни за зимата, но се диуретични и помагаат за слабеење во пролет. Сепак, може да имате аверзија кон житарките, месото и воопшто слаткиот вкус бидејќи вашето тело бара да се ослободите од мастите наместо да ги вградувате. Всушност, се чини дека, генерално, февруари се карактеризира со слаб апетит и упатствата за исхрана се повеќе за тоа што да не се јаде отколку што да се јаде.
Остриот вкус ја зголемува вашата циркулација за чистење на организмот. Затоа, искористете ги зачините. Ова е идеално време од годината да ги задоволите вашите желби за луто. Острите зачини исто така го забрзуваат метаболизмот. Кимот е идеален зачин кој нуди природна топлина и сувост. Лутото го поттикнува варењето и помага да се ослободите од преостанатата зимска слабост. Куркумата е исто така на врвот на списокот со зачини за февруари. Нејзините својства на затоплување и чистење се совршени за потребите на вашето тело во февруари. Куркумата ја подобрува циркулацијата и ја разредува крвта, чистејќи го лимфниот систем, како и сите садови и ткива.
Анасонот е совршен за крајот на зимата. Можете едноставно да го додадете во вашите јадења додека готвите или во чаевите. Свежиот ѓумбир е благ детоксиканс и дигестив, што сигурно ќе ја задржи крвта во движење.
Ајурведската мантра за исхраната во февруари е: „Цвекло, грав и зелена боја“. Може да почувствувате жед за нив во месец во февруари. Цвеклото е идеална храна за чистење, ги стимулира црниот дроб и жолчното кесе и е лек за пренатрупаниот црн дроб.
Леблебијата и црниот грав се добар избор за февруари, бидејќи нивната содржина е богата со растителни влакна и поттикнува здрава елиминација на токсините. Може дури да забележите дека гравот има посладок вкус во февруари отколку во октомври – уште еден биолошки одговор што ќе ве води до правење здрав избор.
Јадете ги зелените зеленчуци како кељ,прокељ, спанаќ и блитва кои се благо горчливи, доволно прифатливи за зимата, но сосема доволни за детокс во раната пролет. Брокулата е исто така добар избор за зеленчук.
Закиселениот лук е уште еден одличен додаток во вашето мени, и еден начин да добиете и киселост и острина. Киселоста го чисти црниот дроб додека лукот ја движи застојаната крв. Лимоните се уште еден одличен холагог за февруари. Користете ги за да ја поттикнете детоксикацијата.
Минимизирајте ги мастите и слатките во февруари – веројатно и онака нема да ги сакате во овој период. Денот на вљубените доаѓа во најлошото време од годината за слатки, токму кога телото почнува да се чисти. Уживајте во вашите најблиски, но избегнете го млечното чоколадо. Уживајте во црно чоколадо кое има прекрасна горчина совршена за февруари.
Сега е време да започнете да внесувате и горчливи билки. Чистењето на црниот дроб и лимфата е чистење на целото тело. Горчливото ги масло е врвната формула на Ајурведата за пролетно прочистување на црниот дроб.
Фото: Pixabay
